अखेर घरकुल योजनेच्या लाभार्थ्यांना पाच ब्रास मोफत रेतीचा झाला पुरवठा... - गडचिरोली जिल्हा आदिवासी काँग्रेसचे सचिव दिलीप घोडाम यांच्या प्रयत्नांना यश..

सत्यवान रामटेके(उपसंपादक)

जिल्ह्यातील रेती घाटांची लिलाव प्रक्रिया सुरू झाली नसल्याने मोठ्या प्रमाणावर घरकुल लाभार्थ्यांची बांधकामे रेती अभावी ठप्प असल्याचे गडचिरोली जिल्हा आदिवासी काँग्रेसचे सचिव दिलीप घोडाम यांच्या निदर्शनास आले.

निदर्शनास येताच घोडम यांनी राज्याचे महसूल मंत्री बाळासाहेब थोरात यांच्याकडे घरकुल लाभार्थ्यांना बांधकामे पूर्ण करण्यास पाच ब्रास मोफत देण्यात यावी.अशी मागणी केली.मागणी करताच राज्याचे महसूलमंत्री थोरात यांनी दखल घेऊन अखेर घरकुल लाभार्थ्यांचा बांधकामे करण्याचा मार्ग सुकर झाला आहे. 

आरमोरी तालुक्यातील पळसगाव गाढवी नदिपात्रातुन घरकुल बांधकाम लाभार्थ्यांना मोफत रेती वितरित करण्यात आली.मोफत रेती वितरीत करतांना तलाठी ऊईके,कोतवाल योगेश कुमरे व घरकुल लाभार्थी उपस्थित होते.घरकुल लाभार्थ्यांना मोफत रेतीचा पुरवठा केला जात असल्याने लाभार्थ्यांनी दिलिप घोडाम यांचे आभार मानले आहे.