. सदर रस्ता ओलांडताना गावातील लोकांच्या मनामध्ये धडकी भरली आहे. त्यामुळे येथील मुख्य रस्त्यावर गतिरोधक निर्माण करावे, अशी मागणी आहे.
आरमोरी तालुक्याचे ठिकाण असल्याने, तालुक्यातील अनेक लोक ये-जा करीत असतात. वर्दळीचे गाव असलेल्या आरमोरी येथे बायपास रोड नसल्यामुळे गावातून जाणाऱ्या मार्गावर वाहनांची मोठी वर्दळ असते. त्यामुळे नागरिकांना तसेच स्थानिक वाहनधारकांना रस्ता ओलांडताना धोका पत्करावा लागतो. काही वाहनचालक वाहन सुसाट चालवत असल्याने येथे किरकोळ अपघात घडले आहेत. भविष्यात गंभीर अपघात होण्याची शक्यता नाकारता येत नाही. त्यामुळे वेगावर मर्यादा आणण्यासाठी येथील मुख्य रस्त्यावर ठिकठिकाणी गतिरोधक निर्माण करावे, अशी मागणी महाराष्ट्र नवनिर्माण विद्यार्थी सेनेचे तालुकाध्यक्ष शेषराज सोनकुसरे व परिसरातील नागरिकांनी केली आहे.