त्यानंतर मुलाचा मृतदेह शेताजवळ असलेल्या झाडीत टाकून दिला. देवासच्या बरोठा पोलीस ठाण्याच्या हद्दीत येणाऱ्या बांगरदा गावात हा प्रकार घडला.तरुणाचा मृतदेह 3 दिवसांपूर्वी शेताजवळ सापडला. या प्रकरणी पोलिसांनी ह-त्-येचा गु-न्-हा दाखल केला.
तातडीनं सुत्रं फिरवली आणि वडिलांना अटक केली. या प्रकरणामुळे परिसरात खळबळ माजली आहे. हरिओम असं 15 वर्षीय मुलाचं नाव असून त्याची हत्या त्याचेच वडील असलेल्या मोहनलाल कलौतानं केल्याची माहिती पोलीस अधीक्षक डॉ. शिवदयाल सिंह यांनी दिली.
हरिओम सोमवारी बेपत्ता झाला. मात्र त्याच्या कुटुंबियांनी पोलिसात तक्रार दाखल केली नाही. मंगळवारी संध्याकाळी हरिओमचा मृतदेह गावाबाहेरील शेताजवळ आढळला. त्याचे दोन्ही हात कोपरापर्यंत कापण्यात आले होते. पोलिसांनी रात्री उशिरापर्यंत शोधाशोध केली. मात्र त्याचे हात सापडले नाहीत.
पोलिसांनी मृतदेह शवविच्छेदनासाठी जिल्हा रुग्णालयात पाठवला. गळा दाबल्यानं, धारदार शस्त्रानं गळा कापल्यानं, डोक्यावर इजा झाल्यानं हरिओमचा मृत्यू झाल्याचं अहवालात नमूद करण्यात आलं.पोलिसांनी हरिओमचे वडील मोहनलालवर संशय आला. त्याची दोनदा चौकशी करण्यात आली.
मात्र त्याच्या चौकशीत काही परस्परविरोधी गोष्टी आढळल्या. त्यामुळे त्याला पोलिसी खाक्या दाखवण्यात आला. यानंतर मोहनलालनं ह-त्-येची कबुली दिली. हरिओमनं वडिलांना एका महिलेसोबत आक्षेपार्ह स्थितीत पाहिलं होतं. हरिओम ही गोष्ट बाहेर सांगेल याची भीती महिलेला होती.
हरिओमला संपवा अन्यथी मी जीव देते, अशी धमकी महिलेनं दिली. त्यामुळे मोहनलालनं हरिओमची हत्या केली.रात्री उशिरा मोहनलालनं हरिओमला झोपतून उठवलं. त्यानं प्रतिकार म्हणू नये यासाठी आधी त्याचे हात कापले. त्यानंतर दोरीनं त्याचा गळा आवळला.
मोहनलालचे दोन्ही हात एका कुपनलिकेत टाकले. शुक्रवारी पोलिसांनी दोन्ही हात बाहेर काढले. मोहनलालचे संबंध असलेली महिला त्याच्याच कुटुंबातील आहे. पोलिसांनी तिलाही अटक केली आहे.
Tags:
मध्य प्रदेश