देसाईगंज तालुक्यातील विसोरा जंगल परिसरात कोंबडा बाजार भरत असून कोंबड्यावर पैशाची बाजी लावून जुगाराच्या खेळ खेळत असल्याबाबत बाबतची गोपनीय माहिती देसाईगंज पोलीसांना मिळाली असता पोलीस निरीक्षक महेश मेश्राम व महिला पोलीस उपनिरीक्षक सोनम नाईक यांचे मार्गदर्शनात सफौ वासुदेव अलोने सह पोलीस पथक व पंचा समक्ष कोंबडा बाजार भरत असलेल्या ठिकाणी धाड टाकली असता आरोपीच्या ताब्यातून 7 हजार रुपये, मृत अवस्थेत असलेला कोंबडा 01 नग, जिवंत असलेला कोंबडा 01 नग किंमत 500 रुपये तसेच 02 नग लोखंडी कात्या, 04 दुचाकी वाहन असा एकूण 2 लाख 37 हजारांचा मुद्देमाल मिळून आला. याप्रकरणी कलम 12 (अ) महाराष्ट्र जुगार कायद्यान्वये गुन्हा नोंद करण्यात आला आहे. पुढील तपास महिला पोलीस उपनिरीक्षक श्रीमती सोनम नाईक करीत आहे. सदर कारवाईने कोंबडा बाजारावर जुगार खेळणाऱ्यांचे धाबे दणाणले आहे.
Tags:
देसाईगंज