एकटी पाहून घरात घुसला, तू फार सुंदर दिसतेस आणि मला खूप आवडतेस, तोंड दाबलं आणि...

फाईल फोटो 

बीड : धारूर तालुक्यात २४ तासांत बलात्काराच्या सलग दोन घटना उघड झाल्या आहेत. या प्रकरणी धारूर पोलीस ठाण्यात बलात्काराचा गुन्हा नोंदवण्यात आला आहे. महिलेला घरात एकटं पाहून तिच्यावर वाईट नजर ठेवणाऱ्या व्यक्तीने तिच्यावर बळजबरी करत बलात्कार केला. त्यानंतर जीवे मारण्याची धमकी दिल्याची घटना घडली. या प्रकरणी पोलिसांनी एका व्यक्ती विरोधात गुन्हा दाखल केला आहे

तू सुंदर दिसतेस आणि मला खूप आवडतेस, असं म्हणत धारूर तालुक्यातील एका गावात एक व्यक्ती अनेक दिवसांपासून विवाहित स्त्रीच्या मागे लागला होता. अनेक वेळा ही गोष्ट विवाहित स्त्रीने आपल्या घरच्यांना सांगितलीही होती. मात्र या गावगुंड प्रवृत्तीच्या व्यक्तीच्या नादी कशाला लागायचं या दृष्टिकोनातून घरचे शांत बसले. त्या व्यक्तीकडे लक्ष देऊ नको असंही घरच्यांनी सांगितलं. मात्र नेहमीच या स्त्रीवर पाळत ठेवणाऱ्या नराधमाने एक दिवस तिला घरात एकटं पाहिलं आणि बळजबरी घरात घुसला.

तु मला खूप आवडतेस, तू खूप सुंदर दिसतेस, असं म्हणत शरीर सुखाची मागणी केली. महिलेने त्याला घराच्या बाहेर काढण्याचा प्रयत्न केला. तो अंगाशी लगट करू लागला. यावेळी महिलेने आरडाओरडा करण्याचा प्रयत्न केला. मात्र त्याने तिचं तोंड दाबलं आणि तिच्यावर अत्याचार केला. अत्याचार केल्यानंतर त्याने तिला धमकी दिली. याविषयी कोणाला सांगितलं, तर तुला कधी कसा मारेल हे कोणाला समजणारही नाही? असं पीडितेला म्हणत त्या ठिकाणाहून नराधमाने पळ काढला.

घडलेली सर्व घटना पीडित महिलेने घरच्यांना सांगितली. मात्र, गावगुंड असलेल्या व्यक्तीवर गुन्हा दाखल करण्यासाठी किंवा पोलीस तक्रार करण्यासाठी घरातल्यांनी तब्बल काही तास लावले. अखेर धारूर पोलीस ठाणे गाठून घडलेली आपबीती महिलेने पोलिसांना सांगितली. महिलेच्या तक्रारीवरून या नराधमाच्या विरोधात धारूर पोलीस ठाण्यात बलात्काराचा गुन्हा दाखल झाला आहे.