या अनोख्या लग्नाचा व्हिडीओ खूप व्हायरल होत आहे. या प्रकरणी पीडित तरूणी न्यायासाठी पोलीस अधिकाऱ्यांकडे चकरा मारत आहे. पीडितेच्या नातेवाईकांच्या म्हणण्यानुसार, तरूणीसोबत ही घटना घडली तेव्हा ते कामानिमित्त गुजरातमधील अहमदाबाद येथे होते.
दिलेल्या माहितीनुसार, ती छत्तीसगढ रायपूर पोलीस स्टेशन हद्दीतील अत्रौली गावातील रहिवासी असून कृषक इंटर कॉलेजमध्ये इयत्ता नववीत शिकत आहे. 12 ऑक्‍टोबर रोजी कॉलेजला जाताना तिचा दाजी अवधेश केसरवाणी हा ‘बसला’ गावाजवळ चारचाकी गाडीत आपल्या कुटुंबीयांसोबत तिला भेटला.
‘मी तुला कॉलेजला सोडतो’ असे तो म्हणाला. पीडिता गाडीत बसताच तिला त्याने गुंगीचा लाडू खायला दिला, त्यानंतर ती बेशुद्ध झाली. पीडितेच्या म्हणण्यानुसार, अवधेशने तिला कॉलेजमध्ये न सोडता एका मंदिरात नेऊन साडी नेसून लग्न केले आणि काही बोलल्यास जीवे मारण्याची धमकी देखील दिली.
आरोपी दाजीने लग्न केल्यानंतर पीडितेला खजुरिया कला गावातील तिच्या घरी नेऊन तिच्यावर बळजबरीने बलात्कार केला आणि त्यानंतर रात्री 8 वाजता तिला अत्रौली गावाबाहेर सोडले. तिथून पीडितेने घरी पोहोचून तिच्या आईला सर्व घटनेची माहिती दिली.ही सर्व हकीकत पीडितेच्या आईने अहमदाबाद येथे असलेल्या आपल्या पती आणि मुलाला फोनवरून सांगितली. पीडितेचे वडील आणि भाऊ अहमदाबादहून आले आणि त्यांनी रायपूर पोलीस ठाण्याच्या पोलिसांना ही बाब सांगितली.
मात्र पोलिसांनी कारवाई न केल्याने नाराज झालेल्या पीडितेने तिच्या नातेवईकांसह बुधवारी जिल्हा मुख्यालय कारवी गाठून अधीक्षकांना माहिती दिली. या घटनेबाबत पोलीस अतुल शर्मा यांनी माहिती देताना पीडितेला न्याय मिळेल असे सांगितले.
Tags:
गुजरात