आपल्याला आपल्या पापाची शिक्षा मिळेल असं आरोपी मांत्रिकाने म्हटलं आहे. अटक केल्यानंतर मांत्रिकाला रुग्णालयात नेण्यात आलं होतं. तिथे त्याला लोकांनी हत्या का केली? अशी विचारणा केली. यावर त्याने दांपत्य आपल्यावर संमोहनासाठी दबाव टाकत होतं, त्यामुळे आपण त्यांची हत्या केल्याचा खुलासा केला. पुढे तो म्हणाला “मी खूप चुकीचं काम केलं आहे. मला माझ्या पापांची सिक्षा मिळेल”.
१८ नोव्हेंबरला पोलिसांना सरकारी शिक्षक राहुल आणि त्याची प्रेयसी सोनू कुंवर यांचे मृतदेह सापडले होते. पोलिसांना मृतदेह सापडले तेव्हा त्यांच्या अंगावर कपडे नव्हते. यानंतर पोलिसांनी तपास सुरु केला होता. ७२ तासांत पोलिसांनी हत्येचा उलगडा केला.
उदयपूरचे पोलीस अधिक्षक विकास कुमार यांनी दिलेल्या माहितीनुसार, दोघेही पीडित विवाहित होते. प्रेम प्रकरणातून ही हत्या झाल्याचा प्राथमिक अंदाज होता. मृतदेह सापडल्यानंतर पोलिसांनी ५० ठिकाणचं सीसीटीव्ही तपासलं आणि २०० लोकांची चौकशी केली. तपासादरम्यान मिळालेल्या माहितीनंतर, मांत्रिक भालेक कुमार याला ताब्यात घेण्यात आलं. चौकशी केली असता त्याने हत्येची कबुली दिली.
पोलिसांच्या माहितीनुसार, मांत्रिक भालेश कुमार गेल्या सात ते आठ वर्षांपासून लोकांना तावीज देऊन त्यांच्या समस्या दूर करत होता. सोनू कुंवर आणि राहुल यांचे कुटुंबीय या मंदिरात येत होते. याचवेळी राहुल आणि सोनू यांच्यात मैत्री झाली होती.
Tags:
राजस्थान