प्रल्हाद मोदी त्यांच्या मुलगा आणि सूनेसह सहलीला निघाले असल्याची माहिती समजत आहे. मात्र दुभाजकाला कार धडकल्याने अपघात झाला. पोलिसांनी घटनास्थळी धाव घेत मदतकार्य सुरू केलं. अपघातानंतर कारचा व्हिडीओ समोर आला आहे. मोदींच्या गाडीचं मोठ्या प्रमाणात नुकसान झाल्याचं दिसत आहे. दुपारी दोनच्या सुमारास हा अपघात झाला आहे. गाडीच्या पुढच्या भागाचा चक्काचूर झाल्याचं दिसत आहे.
प्रल्हाद मोदी याआधीही अनेकवेळा चर्चेत आले आहेत. प्रल्हाद मोदी हे राशनचे दुकान चालवत असून अखिल भारतीय रास्त भाव धान्य दुकानदार फेडरेशनच्यावतीनं आयोजित करण्यात आलेल्या जंतरमंतर येथील आंदोलनात ते सहभागी झाले होते. त्यावेळी, माझा भाऊ पंतप्रधान असला म्हणून काय झालं? मी काय उपाशी मरू काय? असा सवाल प्रल्हाद मोदींनी केला होता.
Tags:
कर्नाटक