घटना उत्तर प्रदेशातील गोरखपूर जिल्ह्यातील आहे. येथे एका 70 वर्षीय कैलाश यादव याने 28 वर्षीय सून पूजासोबत मंदिरात जाऊन लग्न केलं. या लग्नाचा फोटो सोशल मीडियावर व्हायरल होत आहे. ही घटना चर्चेचा विषय ठरला आहे.दरम्यान वृद्ध सासऱ्यासोबत लग्न केल्यानंतर सूनेने सासऱ्यासोबत आनंदात संसार थाटला आहे.
मिळालेल्या माहितीनुसार, कैलास यादव गोरखपूर येथे सुरक्षा रक्षकाचं काम करतो. त्याच्या पत्नीचं 12 वर्षांपूर्वी मृत्यू झाला आहे. कैलास यांना चार मुलं आहे. त्यापैकी तिसऱ्या क्रमांकाच्या मुलाचं निधन झालं आहे. यानंतर त्याची पत्नी पूजाचं दुसरीकडे लग्न लावून देण्यात आलं. मात्र सुनेला ते घर आवडलं नाही. यानंतर सून ते घर सोडून पुन्हा सासरी आहे.
मिळालेल्या माहितीनुसार, यादरम्यान सासऱ्याचं सुनेवर प्रेम जडलं. यानंतर दोघांनी एकमेकांच्या संमतीने वय आणि समाजाची पर्वा न करता एकमेकांसोबत राहण्याचा निर्णय घेतला. हे लग्न सध्या चर्चेचा विषय ठरला आहे. सासरा आणि सुनेच्या लग्नाचे फोटो सोशल मीडियावर व्हायरल झाले आहेत. आजूबाजूच्या गावातील लोकही यावर चर्चा करीत आहेत.
Tags:
उत्तर प्रदेश