७० वर्षीय सासरेबुवांचे २८ वर्षीय सुनेवर मन बसलं, मंदिरात उरकलं लग्न; अन्

गोरखपूर : उत्तर प्रदेशातील गोरखपूरमधील एक लग्न सध्या चर्चेत आहे. या लग्नातील वर आणि वधूचे वय पाहूनच तुम्हाला आश्चर्याचा धक्का बसेल. तर, या लग्नातील वराचे वय आहे ७० वर्षे आणि वधूचे वय आहे २८ वर्षे आहे. तुम्ही म्हणाल की यात धक्का बसण्यासारखे काय आहे?... खरे आहे, पण एवढंच झालं असतं तर ठीक होतं. पण वधू-वरांचं नातं कळलं तर तुम्हाला खरोखरच धक्का बसेल. याचे कारण म्हणजे ही वधू या वराची सून असल्याचे सांगितले जात आहे. दोघांनी मंदिरात लग्न केले. जेव्हा या दोघांच्या लग्नाचे फोटो सोशल मीडियावर व्हायरल होऊ लागले तेव्हा लोकांना याची माहिती मिळाली.

या लग्नाबाबत मिळालेल्या माहितीनुसार, गोरखपूरच्या बधलगंज कोतवाली भागातील छापिया उमराव गावात राहणारे ७० वर्षीय कैलाश यादव यांनी आपल्या मुलाची पत्नी पूजा हिच्याशी लग्न केले. त्यांची सून पूजा ही २८ वर्षांची आहे, तर कैलास हे ७० वर्षांचे आहेत. कैलास हे पोलीस ठाण्यात चौकीदार म्हणून काम करत असत. दोघांनी मंदिरात लग्न केले.

क्लिक करा आणि वाचा- इंजेक्शनला घाबरणाऱ्यांसाठी मोठा दिलासा, संशोधक लवकरच तयार करणार तोंडावाटे घेण्याची लस

सासरा आणि सुनेच्या या लग्नाची माहिती फारशी कोणाला नव्हती. मात्र, जेव्हा त्यांच्या लग्नाचा फोटो सोशल मीडियावर व्हायरल झाला, तेव्हा ते सर्वांना माहीत झाले. सासरा आणि सुनेच्या लग्नाचे फोटो सोशल मीडियावर पाहून लोकांना धक्काच बसला.

हे लग्न बनले चर्चेचा विषय

कैलासच्या पत्नीचे १२ वर्षांपूर्वी निधन झाले होते. कैलास यांना चार मुलगे होते. त्यापैकी तिसऱ्या मुलाचा मृत्यू झाला आहे. याच मुलाची पत्नी पूजा आहे. कैलास यानी आपल्या विधवा झालेल्या सूनेशी लग्न केले आहे. पतीच्या निधनानंतर पूजाने अन्यत्र लग्न केल्याची चर्चा होती. दरम्यान सासऱ्याचे मन तिच्याकडे वळले. यानंतर दोघांनी एकत्र राहण्याचा निर्णय घेतला आणि समाजाची पर्वा न करता दोघांनी मंदिरात लग्न केले. हा विवाह संपूर्ण परिसरात चर्चेचा विषय बनला आहे.