भालेर येथील सुनील गंगाराम पाटील आणि हसंराज दगाजी पाटील हे दोन्ही शेतकरी कापूस विक्री करून भालेर येथे घराकडे परत येत असताना त्यांची लूट करण्यात आल्याची घटना भालेर रस्त्यावर होळ फाट्यानजीक घडली होती. चोरट्यांनी १३ लाख ९४ हजार रुपये पळवून नेल्यानंतर गावासह शहरात एकच खळबळ उडाली होती. या प्रकरणी पोलिसांत गुन्हा दाखल झाल्यानंतर पोलिसांनी शेजारील धुळे जिल्ह्यातील पाच आरोपींसह मुद्देमाल हस्तगत केला होता.
undefined
पती, मुलगा अन् मुलींना सोडून महिला घरातून बेपत्ता; दोन दिवसांनी निर्मनुष्य ठिकाणी आढळला मृतदेह
अवघ्या काही तासांत घटनेचा तपास केल्याच्या आनंदातून भालेर ग्रामस्थांनी सोमवारी पोलीस अधीक्षक पी. आर. पाटील यांच्यासह अधिकाऱ्यांची वाजत-गाजत मिरवणूक काढून सत्कार केला. यावेळी भालेर, तिशी, नागांवसह पंचक्रोशीतील ग्रामस्थ उपस्थित होते. मिरवणुकीत विद्यार्थिनींनी लेझीम नृत्य सादर केले.
दरम्यान, पिस्तूल रोखून मिर्चीची पूड डोळ्यांत टाकत आरोपींनी पैसे कसे लुटून नेले, या घटनेबाबत दोन्ही शेतकऱ्यांनी या कार्यक्रमावेळी माहिती दिली.
यावेळी पोलीस अधीक्षक पी. आर. पाटील, अप्पर पोलीस अधीक्षक निलेश तांबे, उपविभागीय पोलीस अधिकारी सचिन हिरे, स्थानिक गुन्हे शाखेचे पोलीस निरीक्षक किरण कुमार खेडकर, नंदुरबार शहर पोलीस ठाण्याचे पोलीस निरीक्षक रवींद्र कळमकर, तालुका पोलीस ठाण्याचे पोलीस निरीक्षक राहुल कुमार पवार, स्थानिक गुन्हे शाखेचे सहाय्यक पोलीस निरीक्षक संदीप पाटील यांच्यासह स्थानिक गुन्हे शाखेचे पोलीस अमलदारांचा गौरव करण्यात आला. प्रसंगी पोलीस अधीक्षक पी. आर. पाटील यांनी मनोगत व्यक्त करत ग्रामस्थांचे आभार व्यक्त केले. भालेरच्या सरपंच शोभाताई प्रल्हाद पाटील, उपसरपंच गजानन भिका पाटील, नागांवच्या सरपंच रत्‍नाबाई अधिकार धनगर, तिशीचे सरपंच दिलीप पोपट पाटील व ग्रामस्थ उपस्थित होते
Tags:
breking