नराधमाने केला वारंवार विवाहितेवर बलात्कार

पिंपरी: एक नराधमाने विवाहितेवर बलात्कार करून पती, मुलासह महिलेला ठार मारून स्वत: आत्महत्या करण्याची धमकी दिली. ०५ जून २०२० ते ०५ एप्रिल २०२२ या कालावधीत खराबवाडी, खेड येथे ही खबळजनक घटना घडली.

याप्रकरणी पिडीत महिलेने चाकण पोलीस ठाण्यात फिर्याद दिली आहे. त्यावरून आरोपी इसमाविरोधात भारतीय दंड विधान कलम ३७६, ३२३, ५०४, ५०६ प्रमाणे बलात्काराचा गुन्हा नोंदविला आहे.

पोलिसांनी दिलेल्या माहितीनुसार, आरोपीने फिर्यादी महिलेच्या इच्छे विरोधात शरीर संबंध ठेवले. याबाबत कुणालाही सांगितल्यास किंवा पोलिसांत तक्रार दिल्यास, महिलेसह तिचा पती व मुलाला ठार मारून स्वत: आत्महत्या करण्याची धमकी दिली. तसेच, वारंवार फोन करून धमकी दिली असे फिर्यादीत म्हटले आहे. चाकण पोलीस या घटनेविषयी अधिक तपास करीत आहेत.