सरकारी अधिकाऱ्याची शेतकऱ्याला उडवा-उडवीची उत्तरं, लेकानं इंग्रजी झोडपून काढली खरडपट्टी

हिंगोली : हिंगोली जिल्ह्यातल्या कळमनुरी तालुक्यातील दाती येथील शेतकरी आपल्या मुलासह कळमनुरी येथील भूमी अभिलेख कार्यालयात जमीन मोजणीच्या नोटीसबाबत विचारणा करण्यासाठी गेले होते. तेथील कर्मचाऱ्यांनी उडवाउडीची उत्तरे देऊन नोटीस दाबून ठेवत नोटीस दाखवण्यासाठी एका कर्मचाऱ्याने एक हजार रुपये घेतल्याचा आरोप शेतकऱ्याने केला आहे. या प्रकारावरुन संबंधित अधिकाऱ्याला इंग्रजीत झापल्यानंतर कार्यालयात एकच भंबेरी उडाली होती. या सर्व प्रकारामुळे कळमनुरी येथील भूमी अभिलेख कार्यालयातील कारभार चव्हाट्यावर आला आहे.

व्हिडियो जरूर बघा

👇👇👇👇👇👇

कळमनुरी तालुक्यातल्या दाती गावाचे शेतकरी दत्तराव लक्ष्मण कदम व त्यांचा मुलगा प्रमोद कदम हे कळमनुरी येथील भूमी अभिलेख कार्यालयात जमीन मोजमाप नोटीस बाबत माहिती घेण्यासाठी गेले होते. मोजमापाची नोटीस दाखवण्यासाठी कार्यालयातील सय्यद नावाचा कर्मचाऱ्याने एक हजार रुपये घेतल्याचा आरोप शेतकऱ्याने केला आहे. याबाबत त्यांनी कार्यालयातील भूमी अध्यक्ष अभिलेख यांना घडलेल्या सर्व प्रकाराची माहिती सांगितली. त्यांनीही असं सांगितलं की तुमची नोटीस पोस्टाने पाठवली आहे. नोटीस पाहिजे असेल तर माहितीचा अधिकार टाका असे सांगितल्यानंतर प्रमोद कदम यांनी पोस्टाने नोटीस पाठवल्याचा खुलासा मागितला त्यानंतर तेथील अधिकारी निरुउत्तर झाले.