त्याने पोलिसांना दिलेल्या जबाबात सांगितले की, महिलेवर बलात्काराच्या प्रयत्नात त्याला अपयश आले. त्यानंतर आपलं हे कृत्य उघडकीस येण्याच्या भीतीने त्याने हा खुनाचा गुन्हा केला. याप्रकरणी पोलिसांनी त्याला अटक केली आहे. तसेच, खून करण्यासाठी वापरण्यात आलेलं शस्त्रही पोलिसांनी जप्त केलं आहे. अंबागड चौकी पोलीस आणि सायबर सेलच्या पथकाने मिळून या गुन्ह्याचा छडा लावला आहे.
मुरारगोटा गावातील भरी शेतात गावातील भुखीबाई लटियाचा मृतदेह छिन्नविछिन्न अवस्थेत आढळून आला होता. १६ फेब्रुवारीला मृत भुकीबाई शेतात एकटीच असणार हे आरोपीला माहिती होते, त्यामुळे तो देखील शेताकडे जाण्यासाठी निघाला. भुखीबाई आपल्या शेतातील पिकाची देखभाल करण्यासाठी एकट्याच शेतात गेल्या होता. याचा फायदा घेत आरोपीने बळजबरीने तिच्यावर शारिरीक संबंधासाठी दबाव आणला. त्याने तिचा बलात्कार करण्याचा प्रयत्न केला. मात्र, तो काही यात यशस्वी झाला नाही आणि त्यामुळे त्याला राग आला.
आता आपलं कृत्य उघड होईल या भीतीने त्याने भुखीबाईला बेदम मारहाण करण्यास सुरुवात केली. त्यानंतर त्याने दगडाने तिच्यावर वार केले. त्यात ती रक्तबंबाळ होऊन बेशुद्धावस्थेत गेल्या. त्यानंतर या क्रूर व्यक्तीने तिच्याच साडीने तिचा गळा आवळून तिचा खून केला. त्यानंतर त्याने तिच्यावर वार केलेला दगड शेतात फेकून दिला. घटनेनंतर आरोपीने घरी जाऊन कपडे बदलले आणि तो कामावर गेला. इतकंच नाही तर संध्याकाळी तो मृताचा शोध घेण्यासाठी गावकऱ्यांना मदत करतानाही दिसला. याप्रकरणी पोलिसांनी आरोपी दकेश उर्फ डाकेश्वर मांडवी (वय ३५ वर्ष) याला अटक केली असून त्याला न्यायालयीन कोठडी सुनावण्यात आली आहे.
Tags:
ब्रेकींग